Songtekst

Kóffers die al gepak zien,
Doeëze vol met bestek,
De zón die is aan’t zakke,
Kleurt fel op ós vertrek,

Ós blome fier in de schörkker,
‘n Noeëts oetgepakde doeës,
Ik laot heej gaer wat achter,
Maar kiek net zoeë gaer veuroet

Ik vertrek,
Wied e-weg,
Ik vertrek,
Nao ‘t ind van de waereld,
Jao man ik vertrek

Bergaaf gaon we harder,
Ik kóm altied wal veuroet,
Kiek häöstig in de spegel,
En zeen door de achterroet,

De waeg dae weej achter laote,
Leet d’r eigelik moeëj beej,
Gaon weej nao örges haer of juus weg van iets,
Ik schakel op, tabee

De caravan dae ós inhaolt,
Geit altied met ós mei,
Ós doeëze vol verleeje,
Maar man wat veult dit fijn.